پاکستان مشکل میں، آئیں اسے بچانے کیلئے قومی حکومت بنائیں: محمود اچکزئی

اسلام آباد (اپنے سٹاف رپورٹر سے) تحریک تحفظ آئین پاکستان کے سربراہ محمود خان اچکزئی نے کہا کہ ہمارے خطے میں جو کچھ ہو رہا ہے اس پر کہتا ہوں مسائل چھوٹے ہیں ادراک بڑے ہیں۔ یہ وقت ملک کو اکٹھا کرنے کا ہے۔ ایران کے وزیر خارجہ پاکستان کسی اور کام کے لئے آیا ہے۔ انہوں نے کہا کہ لغزش کی گنجائش نہیں جب کوئی حملہ کرے گا تو لڑنا ہوگا۔ ہم تین سال سے چیخ رہے ہیں کہ ہمارا خطہ جنگ کا میدان بننے والا ہے۔ انہوں نے کہا کہ جب آپ انصاف کی کرسی پر ہوں گے تو انصاف کرنا ہے۔ کیا یہ پاکستان سے وفاداری کا تقاضا یہ ہے کہ اسے لوٹا جائے؟۔ جو ضمیر اور ایمان بیچتا ہے وہ ملک کا وفادار ہے۔ تمام سیاسی جماعتیں مل کر قومی حکومت بنائیں اور پاکستان کو بچائیں، پاکستان مشکل میں ہے۔ یہ واحد ملک ہے جو اپنے ہی بچوں کو کرپٹ بناتا ہے پھر گرفتار اور آخر میں وزیر اعلیٰ بھی بنا دیتا ہے۔ ہمارے سے بہتر ایجنڈا کسی کے پاس ہے تو آئیں ہم ان کے ہاتھ چومیں گے۔ آئین ہمیں آپس میں باندھ کر رکھتا ہے، آپ لوگ اس کو توڑ دیتے ہیں۔ ہم کسی کے سامنے نہیں جھکیں گے، پاکستان کو اس دلدل سے نکالنا ہے۔