وفاقی ترقیاتی پروگرام کے تحت حکومت نے پی ایس ڈی پی کی مد میں 479ارب 23کروڑ روپے کے فنڈز جاری کردئیے،تفصیلات کے مطابق وزارت منصوبہ بندی کی جانب سے ترقیاتی فنڈ کی تفصیلات جاری کردی گئی ہیں، دستاویز میں بتایا گیا ہے کہ وفاقی وزارتوں کے ترقیاتی منصوبوں کےلئے 310ارب روپے سے زائد کے فنڈ جاری کیے گئے جبکہ نیشنل ہائی اتھارٹی کےلئے 98ارب روپے سے زائد کی رقم جاری ہوئی،دستاویز میں کہا گیا ہے کہ این ڈی ڈی سی اور پیپکو کےلئے 39ارب 84کروڑ روپے سے زائد کی رقم جاری ہوئی جبکہ پی ایس ڈی پی کی مد میں 479 ارب 23 کروڑ روپے جاری ہوئے،جاری کردہ تفصیلات کے مطابق جی بی اور آزاد کشمیر کے ترقیاتی منصوبوں کےلئے29 ارب 30 کروڑ جبکہ کابینہ ڈویژن کی ترقیاتی منصوبوں کےلئے 24 ارب روپے سے زائد کی رقم جاری کی گئی،وزارت آبی وسائل کےلئے 63 ارب 97 کروڑ روپے سے زائد رقم جاری ہوئی جبکہ وزارت خزانہ کے ترقیاتی منصوبوں کےلئے 52 ارب 51 کروڑ روپے اور وزارت صحت کے ترقیاتی منصوبوں کےلئے10 ارب 78 کروڑ روپے سے زائد کے فنڈز جاری ہوئے۔وزارت ریلوے کے ترقیاتی منصوبوں کےلئے 18 ارب 80 کروڑ روپے کے فنڈز جاری ہوئے جبکہ اعلی تعلیمی کمیشن کےلیے 22 ارب روپے 48 کروڑ سے زائد کی رقم جاری کی گئی۔دستاویزات کے مطابق ریونیو ڈویژن کے ترقیاتی منصوبوں کےلئے چھ ارب چھالیس کروڑ روپے کی رقم جاری ہوئی جبکہ ایرا کے ترقیاتی منصوبوں کےلئے 1 ارب 20 کروڑ روپے جاری کیے گئے۔

شوکت ترین پر مکمل اعتماد، وزیراعظم