ملتان (سماجی رپورٹر)جنوبی پنجاب کو ترقی دینے اور اپنے صارفین کو کم سے کم شرح سود میں قرضہ دینے پر بینک آف پنجاب مختلف منصوبوں پر کام کر رہا ہے، ان خیالات کا اظہار بینک آف پنجاب کے سی ای او اور صدر ظفر مسعودنے ملتان میں چمبرز آف کامرس اینڈ انڈسٹری ڈیرہ غازی خان اور ملتان کے عہدے داروں سے خطاب کرتے ہوئے کیا۔انھوں نے کہا کہ ہمارا بینک تاریخ میں پہلی مرتبہ کسانوں کو کم سے کم شرح سود پر ٹریکٹر دے رہا ہے اور اب تک ہم کاشتکاروں کو دوسو ٹریکٹر دے چکے ہیں۔اس کے علاوہ وزیراعظم پاکستان کی ہاوسنگ سیکم کے تحت سب سے کم شرح سود قرضے دے رہے ہیں۔اس موقعہ پر ڈیرہ غازی خان چمبرز آف کامرس اینڈ انڈسٹری کے صدر خواجہ جلال الدین رومی بینک آف پنجاب کے صدر ظفر مسعود کو اولیائے ملتان میں خوش آمدید کہتے ہوئے کہا کہ آپ کو دیکھ کر اس لئے بھی خوشی ہو رہی ہے کہ آپ موت کو شکست دے کر آئے ہیں، یقینا زندگی کے اس جنم میں آپ کی والدہ محترمہ کی دعاوں کا بہت اثر ہے۔خواجہ جلال الدین رومی نے خطاب کرتے ہوئے کہا کہ ہم بینک آف پنجاب کو اپنا بینک اس لئے کہتے ہیں کہ یہ ہمارے صوبے کا بینک ہے۔اس لئے ہماری خواہش ہے کہ آپ کا بینک جنوبی پنجاب کے صنعت کاروں کو زیادہ سے زیادہ مراعات دے۔خواجہ جلال الدین رومی کی تقریر کے بعد ظفر مسعودنے کہا کہ ملتان، بہاولپور اور فورٹ منرو سے میری بہت سی یادیں وابستہ ہیں اور میری خواہش ہوگی کہ اگلی مرتبہ جب جنوبی پنجاب کے دورے پر آوں تو جہاں بہت سے نئے منصوبے سامنے لاوں وہاں میں ٹیبل ٹینس کے حوالے سے اپنی یادوں کو تازہ کروں، بینک آف پنجاب کے صدر ظفر مسعود نے کہا کہ ہم آنے والے دنوں میں ہر برانچ میں اسلامک بینکنگ بھی شروع کر رہے ہیں۔ انھوں نے کہا کہ آنے والے پانچ برسوں میں بینک آف پنجاب ملک کے پانچ بڑے بینکوں میں شمار ہو گا کہ اب ہم نئے ویثرن کے مطابق کام کر رہے ہیں۔تقریب میں ملتان چمبرز آف کامرس اینڈ انڈسٹری کے سابق صدر تنویر اے شیخ نے خطاب کرتے ہوئے کہا کہ  ملتان کے صنعت کار آپ کے بینک کے ساتھ دست تعاون بڑھانے کو تیار ہیں اگر بینک آف پنجاب بھی ویسے ہی ہمارے ساتھ تعاون کرے۔تقریب میں سید افتخار علی شاہ، خواجہ محمد فاروق ملک رب نواز اور دیگر نے خطاب کیا  ۔بینک آف پنجاب کے صدر ظفر مسعودنے ملتان بہاولپور اہل قلم کے لیے ملتان لٹیریری فیسٹول کرانے کا اعلان کیا اس موقعہ پر شاکر حسین شاکر نے انھیں اپنی کتابوں کا سیٹ بھی پیش کیا  تقریب کے آخر میں خواجہ جلال الدین رومی اور تنویر اے شیخ نے بینک آف پنجاب کے صدر ظفر مسعود کو یادگاری شیلڈ بھی پیش کیں۔

 عوام کو سستی اشیاء خورونوش کی فراہمی جاری ہے:فواد ہاشم