پاکستان میری ٹائم سیکیورٹی ایجنسی نے 14 کشتیوں سمیت 80بھارتی ماہی گیروں کو گرفتار کرلیا

06 مارچ 2017

کراچی (این این آئی) پاکستان میری ٹائم سیکیورٹی ایجنسی(پی ایم ایس اے ) نے کھلے سمندرمیں کامیاب آپریشن کے بعد14کشتیوںسمیت 80بھارتی ماہی گیروں کو گرفتار کرلیاہے۔ ترجمان پی ایم ایس اے کے مطابق پاکستان میری ٹائم سیکیورٹی ایجنسی نے گزشتہ روز کھلے سمندر میں پاکستانی حدودکی خلاف ورزی پرکامیاب آپریشن کے بعد80بھارتی ماہی گیرگرفتارکوگرفتارکرلیاہے جبکہ 14 کشتیوں کوبھی تحویل میں لے لیاگیا ہے۔ترجمان کے مطابق کشتیوں اور بھارتی ماہی گیروں کو کراچی منتقل کیاجارہے۔ بھارتی ماہی گیروں کو سمندری حدود کی خلاف ورزی پر گرفتار کیا گیا ہے اور انہیں ڈاکس پولیس کے حوالے کیا جائے گا۔