کیرالہ: پادری کی زیادتی کا شکار نوعمر لڑکی ہسپتال داخل، حمل گرانے میں ملوث راہبائیں اور ڈاکٹر فرار

06 مارچ 2017

نئی دہلی (اے ایف پی) بھارتی ریاست کیرالہ میں ایک پادری کی زیادتی کا شکار نو عمر لڑکی کا حمل گرانے میں ملوث 5 راہبائیں اور ڈاکٹر فرار ہوگیا۔ پولیس انکی گرفتاری کے لئے چھاپے مار رہی ہے۔ بتایا گیا ہے کیتھولک پادری روبن واڈ کموچری نے چرچ سے ملحقہ سکول میں 16 سالہ طالبہ کو کئی مرتبہ زیادتی کا نشانہ بنایا۔ لڑکی کا اسقاط حمل کرنے میں معاون ہسپتال کے 6 عملے کے افراد کے وارنٹ گرفتاری بھی جاری کر دئیے گئے۔ لڑکی کی ہسپتال میں حالت نازک بتائی جا رہی ہے۔