وفاقی حکومت نے انسپکٹر جنرل (آئی جی) خیبر پختونخوا کو تبدیل کرنے کا فیصلہ کیا ہے۔

تفصیلات کے مطابق وفاق کی جانب سے اسٹیبلشمنٹ ڈویژن سے آئی جی خیبرپختونخواکے لیے نام مانگ لیے ہیں۔ذرائع نے بتایا ہے کہ آئی جی گلگت بلتستان سعید وزیر کو آئی جی خیبر پختونخوا  لگائے جانے کا امکان ہے، سعید وزیر خیبرپختونخوا میں مختلف اہم ذمہ داریوں پر خدمات انجام دے چکے ہیں۔

واضح  رہے کہ اس وقت معظم جاہ انصاری آئی جی خیبر پختونخوا کی ذمہ داریاں نبھارہے ہیں۔