آرمی چیف جنرل عاصم منیر نے کہا ہے کہقوم کے تعاون سے دیر پا امن و استحکام کے حصول تک دہشتگردی کے خلاف جنگ جاری رہے گی۔ امن خراب کرنے والوں کے لیے کوئی جگہ نہیں ہوگی۔آئی ایس پی آر کے مطابق جنرل عاصم منیر نے وادی تیراہ ضلع خیبر کا دورہ کیا۔ انہوں نے فوجی جوانوں کی آپریشنل تیاریوں اور بلند حوصلے کو سراہا۔اس موقع پر آرمی چیف نے کہا کہ قبائلی عوام اور سیکورٹی فورسز کی بےشمار قربانیوں کے باعث ریاست کی عملداری قائم ہوئی ہے۔
ان کا کہنا تھا کہ کسی کو دہشتگردی کے خلاف جنگ میں کامیابیوں کو سبوتاژ کرنے کی اجازت نہیں دی جائے گی۔جنرل عاصم منیر نے کہا کہ مادر وطن کے دفاع کو ہر قیمت پر یقینی بنایا جائے گا،امن خراب کرنے والوں کے لیے کوئی جگہ نہیں ہوگی۔
