بجلی چور اور سہولت کار کسی رعایت کے حقدار نہیں ہیں، قمر الاسلام راجہ
اسلام آباد(نا مہ نگار)چیئرمین بورڈ آف ڈائریکٹرز آئیسکو انجینئر قمر الاسلام راجہ نے کہا ہے کہ آئیسکو کے تمام آپریشن سرکلز میں بجلی چوروں اور انکی معاونت کرنے والوں کی سرکوبی کےلئے بھرپور اور بلا تفریق مہم کامیابی سے جاری ہے، ماہ نومبر2022 کے دوران فیلڈ فارمیشنز نے دوران چیکنگ 3407 ایسے کیسیز پکڑے جن میں3378میٹرز سلو پائے گئے،23میٹرز سے بجلی کی ڈائریکٹ سپلائی لی جا رہی تھی جب کہ06میٹرزٹمپرڈ پائے گئے۔ متعلقہ صارفین کے خلاف کاروائی عمل میں لاتے ہوئے انہیں17لاکھ یونٹس کی مد میں4کروڑ سے زائد کے جرمانے عائد کیے گئے اور قانونی کاروائی کے لئے متعلقہ صارفین کے خلاف تھانوں میں درخواستیں بھی دے دی گئی ہیں ۔
