نگریو(نامہ نگار) ضلع بدین میں پولیس نے مختلف مقامات پر کاروائیاں کرکے 10 کلو گرام چرس ، 12 کلو گرام سے زائد بھنگ، غیر قانونی اسلحہ، 50 گٹو سپاری چورہ اور 12 گٹو سفینہ (60610 ساشے) برآمد کرلئے کاروائیوں کے دوران پولیس پر حملہ آور سمیت 9 ملزمان گرفتار، مقدمات درج۔ایس ایچ او تھانہ ماتلی سب انسپکٹر میر محمد گاڈاھی نے اسٹاف کے ہمراہ دوران گشت کاروائی کرکہ مہران کار کو روک کر تلاشی لینے کے دوران 8 کلو گرام چرس برآمد کرلی۔ کار میں سوار چرس ڈیلر محمد ملاح کو گرفتار کرلیا۔ ایک ملزم اسلم لاشاری فرار ہو گیا پولیس نے ملزمان کے خلاف تھانہ ماتلی پہ نارکوٹکس ایکٹ کے تحت مقدمہ درج کرلیا ہے۔ ماتلی پولیس نے مزید کاروائی کے دوران موٹر سائیکل سوار محمد حنیف ناھیوں اور محمد امین ناھیوں کو گرفتار کرکہ 2330 گرام بھنگ برآمد کر لی۔ پولیس نے ملزمان کے خلاف مقدمہ درج کرلیا۔ ایس ایچ او تھانہ ڈپٹی سب انسپکٹر محمد خان اسٹاف کے ہمراہ حسبِ معمول گشت پر مامور تھے اور 2 موٹر سائیکل سواروں کو روک کر تلاشی دینے سے انکار کیا اور پولیس پر حملہ کردیا۔ پولیس نے ملزمان کو گرفتار کرکہ تلاشی لی تو ملزمان کے قبضے سے 2 کلو گرام چرس اور غیر قانونی پسٹل اور راﺅنڈ برآمد کرلیے۔ پولیس نے دونوں گرفتار ملزمان کے خلاف تھانہ پہ نارکوٹکس ایکٹ آرمس ایکٹ اور پولیس پر حملہ اور ڈیوٹی میں رکاوٹ ڈالنے کے دفعات کے تحت مقدمات درج کرلیے۔ گرفتار ملزمان کی شناخت قاسم کھوسو اور انور کھوسو کے طور پر ہوئی ہے۔ ایس ایچ او تھانہ بدین انسپکٹر محمد انور لغاری نے خفیہ اطلاع پر اسٹاف کے ہمراہ کاروائی کرکہ لاکھوں روپے مالیت کی منشیات پکڑ لی۔ کاروائی کے دوران گٹکہ بنانے کا خام مال 50 گٹو سپاری چورہ 12 گٹو سفینہ (59070 ساشے) برآمد کرکہ گولاڑچی کے رہائشی ارشد علی منہاس کو گرفتار کرلیا جب کہ 3 ملزمان فیاض چانڈیو ، برھان چانڈیو اور اوکا بروھی فرار ہوگئے۔ پولیس نے ملزمان کے خلاف تھانہ بدین پہ مقدمہ درج کرلیا ہے۔ 

عمران خان کی خیبر پختونخوا میں انتخابات کی تیاریاں تیز کرنے کی ہدایت

10کلو چرس