بلدیہ اعلیٰ کے ملازمین دو ماہ سے تنخواہوں سے محروم
حیدرآباد(بیورو رپورٹ)بلدیہ اعلی حیدرآبادکے ملازمین دو ماہ سے تنخواہوں کی عدم ادائیگی کی بدولت فاقہ کشی پر مبنی ذندگیاں گزارنے پر مجبور ہیں اور ایچ ایم سی ایڈمنسٹر یٹر و ڈپٹی کمشنر حیدر آباد چین کی بانسری بجارہے ہیں جو انتہائی قابل مذمت ہے۔ ان خیالات کا اظہار متحدہ قومی موومنٹ پاکستان حیدر آباد سے تعلق رکھنے والے ارکان صوبائی اسمبلی حیدرآباد نے اپنے مشترکہ بیان میں ایچ ایم سی کے ایڈمنسٹر یٹر کا اضافی چارج ڈپٹی کمشنر حیدر آباد کو دینے کے عمل کو شہر اور ایچ ایم سی ملازمین کی پریشانی اور بد حالی قرار دیتے ہوئے کیا۔حق پرست اراکین صوبائی اسمبلی حیدر آباد شہر کو تباہ کرنے والے سرکاری افسران کا محاسبہ کرینگے۔کرپٹ و راشی افسران کی بے حسی کی بدولت سیکڑوں بلدیہ اعلی کے ملازمین کے گھروں میں فاقہ کشی کی نوبت ہے اور پورے شہرمیں صفائی ستھرائی کے نظام پر مامور بلدیہ اعلی کے سیکڑوں ملازمین کے اپنے گھروں میں صورتحال انتہائی ابترہے۔ ملازمین کے پاس اپنے اہلخانہ کے علاج معالجے کے لئے پیسے نہیں ہیں، تعلیمی اخراجات کی سکت نہ ہونے سے بچے تعلیم سے محروم ہیں۔ملازمین کی ماہانہ تنخواہ ان کی آمدنی کا واحد ذریعہ ہے اگر اس کی ادائیگی میں تاخیر ہوتی ہے تو انہیں بڑے پیمانے پر نقصان اٹھانا پڑتا ہے۔سرکاری ملازمین کو وقت پر تنخواہ نہیں ملی سکی اس کی اہم وجہ بلدیہ اعلی حیدرآباد کا ایڈمنسٹر یٹر کانہ ہونے و ڈپٹی کمشنر کو اضافی چارچ دینا ہے،حکومت سندھ فوری طور پر نیا ایڈمنسٹر یٹر تعینات کرے تاکہ بلدیہ اعلی حیدرآباد کے معاملات صحیح طریقے سے چل سکے۔انہوں نے مطالبہ کیاکہ ایڈمنسٹر یٹر ملازمین کی مشکلات کم کرنے کے لیے تنخواہوں کے فوری اجراءکو یقینی بنائے ورنہ ملازمین کے ساتھ ملکر حق پرست قیادت کرپٹ وراشی اور نا اہل افسران کا محاسبہ کریگی۔
تنخواہ محروم
