لاہور (سپورٹس رپورٹر) جناح پولو فیلڈز کے زیراہتمام کور کمانڈر پولو کپ کے ساتویں روز دو اہم میچز کھیلے گئے، جن میں پلاٹینم ہومز اور ری ماؤنٹس کی ٹیمیں فاتح رہیں۔ پاکستان پارک پولو گراؤنڈ کیولری گراؤنڈ میں کھیلے گئے دونوں میچز کو دیکھنے کیلئے تماشائیوں کی اچھی تعداد موجود تھی۔ پہلے میچ میں پلاٹینم ہومز کی ٹیم نے چار کورپس کی ٹیم کو 8-3.5 سے ہرا دیا۔دوسرے میچ میں ری ماؤنٹس کی ٹیم نے ریجاس گروپ کی ٹیم کو 12-3.5 سے ہرا دیا۔