مافیا بے لگام ،یوریا کھاد کا مصنوعی بحران،بلیک میں مہنگے داموں فروخت
کوٹلہ مغلاں ،محمد پور دیوان(نمائندہ نوائے وقت ،نمائندہ خصوصی)مافیا بے لگام ،یوریا کھاد کا مصنوعی بحران،بلیک میں مہنگے داموں فروخت جاری۔کوٹلہ مغلاں سے نمائندہ نوائے وقت کے مطابق کسانوں ممتاز احمد لغاری، غلام نازک، عامر مجاہد حسین، امین ، وقاص، محمد عالمگیر ،جان محمد ودیگر نے کہا کہ ضلع راجن پور کی طرح کوٹلہ مغلاں میں بھی کھاد ڈیلروں نے ات مچا رکھی ہے کھاد ڈیلروں نے ایکا کر کے یوریا کھاد کا مصنوعی بحران پیدا کر کے کسانوں کو دونوں ہاتھوں سے لوٹنا معمول بنا لیا ہے، سرکاری ریٹ یوریا 2250 روپے ہے اور دوکان دار 2800 روپے میں فروخت کر رہے ہیںزرائع سے معلوم ہوا ہے کہ ضلعی انتظامیہ نے کھاد ڈیلروں سے منتھلیاں مقرر کر رکھی ہیں جس کی وجہ سے کھاد مافیا بلا خوف خطر یوریا کھاد کی بلیک میں کھلے عام فروخت کر رہے ہیں انہوں نے مزید کہا کہ اگر ضلعی انتظامیہ نے بروقت کھاد کی عدم دستیابی پر توجہ نہ دی تو گندم کی فصل کو شدید نقصان پہنچے گا جس سے پیداوار میں کافی حد تک کمی آئے گی اور گندم کا مزید بحران پیدا ہو جائے گا۔محمد پور دیوان سے نمائندہ خصوصی کے مطابق کاشتکاروں کو بروقت مقررہ نرخوں میں یوریا کھاد نا ملنے کیوجہ سے کاشتہ فصلات تباہ ہو رہی ہیں تو دوسری جانب تحصیل و ضلعی انتظامیہ کیجانب سے یوریا کھاد کی بلیک میں 2800 سو روپے فی بوری فروخت ہونے پر کوئی کاروائیاں عمل میں نہیں لائی جا رہی ہے ، کسانوں میں ملک محمد بخش۔ آصف گشکوری۔ ربنواز۔ محمد یاسر۔ کریم بخش۔ غلام محمد و دیگر نے احتجاج کرتے ہوئے کہا کہ وزیر اعلی پنجاب، سیکرٹری زراعت، کمشنر ڈیرہ اور ڈپٹی کمشنر راجن پور فوری کارروائی عمل میں لائیں ۔