شمالی وزیرستان میں آپریشن،فائرنگ کا تبادلہ ،5دہشتگرد ہلاک،سپاہی شہید
اسلام آباد (خبر نگار خصوصی) سکیورٹی فورسز نے شمالی وزیرستان میں آپریشن کر کے پانچ دہشتگردوں کو ٹھکانے لگا دیا۔ آئی ایس پی آر کے مطابق ضلع جھلر الگاد میں خفیہ اطلاعات کی بنیاد پر آپریشن کیا گیا۔ شدید فائرنگ کا تبادلہ ہوا۔ فوجیوں نے دہشت گردوں کے ٹھکانے کو موثر انداز میں گھیراﺅ کر کے کارروائی کی۔ ہلاک دہشت گردوں سے اسلحہ اور گولہ بارود بھی برآمد ہوا، مارے گئے دہشت گرد سکیورٹی فورسز کے خلاف دہشت گردی کی کارروائیوں اور معصوم شہریوں کے قتل میں ملوث رہے۔ فائرنگ کے شدید تبادلے کے دوران سپاہی ناصر خان (عمر25 سال، ساکن جنوبی وزیرستان) نے بہادری سے لڑتے ہوئے شہادت کو گلے لگا لیا۔ علاقے سے دہشتگردوں کے خاتمے کے لئے آپریشن جاری ہے۔
شمالی وزیرستان، آپریشن
