ٹھٹھہ:دوسری جماعت کی7سالہ طالبہ زیادتی کے بعد قتل,لاش کھیتوں سے برآمد
ٹھٹھہ میں گذشتہ روز لاپتہ سات سالہ معصوم بچی کی لاش کھیتوں سے برآمد ہونے پر شہر سوگ میں ڈوب گیا ۔تفصیلات کے مطابق گذشتہ روز ٹھٹھہ کے ساحلی تحصیل گھوڑاباری کے علاقے و شہر میں سات سالہ دوسری جماعت کی طالبہ دعا ولاسیو کو قتل کردیا گیا تھا، معصوم بچی کی لاش کیلے کی فصل سے برآمد کی گئی ۔واقعہ پر طالبہ دعا کے ورثا کا کہنا تھا کہ بچی کئی گھنٹے گزرنے کے بعد گھر نہیں پہنچی،تو انہیں تشویش لاحق ہوئی ، ڈھونڈنے کے دوران بچی کی لاش گاں کے قریب کیلے کے فصل سے برہنہ حالت میں ملی،اطلاع دینے کے بعد پولیس موقع پر پہنچی اور لاش کو تحویل میں لیکر پوسٹ مارٹم کیلئے سول ہسپتا ل منتقل کیا گیا۔ڈاکٹر کے مطابق پوسٹ مارٹم کی ابتدائی میڈیکل رپورٹ میں جنسی زیادتی کی کوشش اور دم گھٹنے سے موت واقع ہوئی ہے جبکہ حتمی میڈیکل رپورٹ آنے کے بعد موت کا سبب معلوم ہوسکے گا۔معصوم بچی کی تدفین ورشہر کی آبائی قبرستان کردی گئی ہے جبکہ پولیس نے شک کی بنیاد پر ایک شخص کو گرفتار کیا ہے۔دوسری جانب معصوم بچی کے قتل کے خلاف ور شہر میں مکمل شٹر بند ہڑتال ہے اور تمام کاروباری مراکز بند ہے اور شہر میں سوگ کا سماں ہے۔
