سابق صوبائی وزیر رانا ثنا اللہ کی منشیات کے مقدمے میں ضمانت پر رہائی کیلئے درخواست لاہور ہائیکورٹ میں 12 دسمبر کو سماعت کے لیے مقرر کر دی گئی ۔لاہورہائیکورٹ کے جسٹس چوہدری مشتاق احمد، رانا ثنا اللہ کی درخواست ضمانت پر سماعت کریں گے۔ رانا ثنا  اللہ نے منشیات کے مقدمے میں ضمانت پر رہائی کیلئے ہائیکورٹ سے رجوع کر رکھا ہے، لاہور ہائیکورٹ نے پہلے اینٹی نارکوٹکس فورس کو4دسمبر کیلئے نوٹس جاری کیے تھے ۔فاضل جج کی عدم دستیابی کی وجہ سے درخواست ضمانت پر کارروائی نہیں ہوسکی ۔درخواست پر نئی تاریخ مقرر کر دی گئی ہے جس کے مطابق اب 12 دسمبر کو درخواست پر سماعت ہوگی۔