واشنگٹن: امریکا میں پاکستانی سفیر اسد مجید خان کا کہنا ہے کہ پاکستان پوری دنیا کے لیے ابھرتی ہوئی مارکیٹ ہے۔ دنیا پاکستان کے سافٹ امیج کو دیکھ رہی ہے۔

تفصیلات کے مطابق امریکی دارالحکومت واشنگٹن کی رونلڈ ریگن بلڈنگ میں سالانہ ثقافتی نمائش کا انعقاد کیا گیا۔ نمائش میں پاکستان کا اسٹال بھی موجود تھا۔نمائش میں 60 ممالک کے سفارتخانوں کی جانب سے اسٹالز لگائے گئے۔

پاکستانی اسٹال پر شرکا کو پاکستانی سیاحت، فنون لطیفہ اور ثقافت سے روشناس کروایا گیا۔ امریکا میں پاکستانی سفیر اسد مجید خان نے بھی پاکستانی اسٹال کا دورہ کیا۔

چاند کی روشنی جذب کرکے چمکنے والی ریگستانی چھپکلی دریافت

اس موقع پر پاکستانی سفیر کا کہنا تھا کہ پاکستان پوری دنیا کے لیے ابھرتی ہوئی مارکیٹ ہے۔ دنیا پاکستان کے سافٹ امیج کو دیکھ رہی ہے۔اسد مجید خان نے مزید کہا کہ پاکستان میں سیاحت فروع پا رہی ہے۔ پاکستانی لباس، زیورات اور پکوان دنیا بھر میں پسند کیے جاتے ہیں۔اس سے قبل کیلیفورنیا میں انویسٹ ان پاکستان نامی سمٹ کے موقع پر خطاب کرتے ہوئے اسد مجید خان نے کہا تھا کہ پاکستان ٹیک سیکٹر میں سرمایہ کاری کے وسیع مواقع موجود ہیں۔انہوں نے کہا تھا کہ پاکستان میں سرمایہ کاری اور تجارتی قوانین میں اصلاحات لائی جارہی ہیں۔

بھارت کی سازش ایک بار پھر بے نقاب ہو گئی: وزیر خارجہ