انعام بٹ نے میڈل شہدا لسبیلہ کے نام کردیا
برمنگھم:کامن ویلتھ گیمز میں سلور میڈل جیتنے والے قومی ریسلر انعام بٹ نے اپنا میڈل لسبیلہ ہیلی کاپٹر حادثے کے شہدا کے نام کردیا۔ٹویٹ کی کہ ’آپ سب کی دعاؤں اور سپورٹ کا شکریہ ادا کرتا ہوں اللہ کا شکر ہے جس نے سلور میڈل سے نوازا۔‘انہوں نے لکھا کہ ’یہ میڈل بلوچستان ہیلی کاپٹر حادثے میں شہید ہونے والے افسران اور جوانوں کے نام کرتا ہوں۔‘ یکم اگست کو لسبیلہ میں پاک فوج کا ہیلی کاپٹر گر کر تباہ ہوگیا تھا جس کے نتیجے میں کور کمانڈر کوئٹہ اور ڈی جی کوسٹ گارڈز سمیت 6 افسران اور اہلکار شہید ہو گئے تھے۔انعام بٹ نے گزشتہ روز کامن ویلتھ گیمز کے ریسلنگ ایونٹ میں سلور میڈل جیتا تھا انہیں بھارتی ریسلر دیپک پونیا نے فائنل میں شکست دی تھی۔
