سندھ میں سرکاری کالجوں میں داخلے کے لیے ڈومیسائل اور پی آرسی کی شرط عائد
کراچی (نیوز رپورٹر)سندھ میں سرکاری کالجوں میں داخلے کے لیے ڈومیسائل اور پی آرسی کی شرط عائد کردی گئی، جس کے باعث طلبا کو مشکلات کا سامنا ہے۔داخلے کے وقت ڈومیسائل پی آر سی کی شرائط کے باعث طلبہ داخلوں سے محروم ہیں تاحال محکمہ تعلیم نے صورت حال کا نوٹس نہیں لیا۔آن لائن فارم اور مکمل ریکارڈ محکمہ تعلیم کے پاس جمع ہونے غیر ضروری دستاویزات کالجوں میں طلب کی جارہی ہے۔، طلبہ و طالبات کے مطابق مطلوبہ داخلہ معیارمکمل ہونے باوجود داخلہ مرحل مشکل ہوچکا ہے۔طالب علموں نے مطالبہ کرتے ہوئے کہا ہے کہ فارم جمع کراتے پورا بائیو میٹرک محکمہ تعلیم کو فراہم کرچکے ہیں، وزیر اعلی سندھ صورت حال کا نوٹس لیں۔
