لاہور(کلچرل رپورٹر)ایگزیکٹوڈائریکٹر لاہو رآرٹس کونسل الحمراءفرحت جبیں نے کہا ہے کہ الحمراءکشمیریوں کے زبان وادب اور تہذیب و ثقافت کو اجاگر کر رہا ہے۔ جدو جہد آزادی کیلئے کشمیریوں کی قربانیاں رائیگاں نہیں جائیں گی۔ ان خیالات کا اظہار انھو ں نے یوم استحصال کشمیر و یوم سیاہ کے حوالے سے منعقدہ واک کی قیاد ت کرتے ہوئے کیا۔واک کا اہتمام الحمراءتا 90شاہراہ تک کیا گیا۔ واک کے شرکاءنے پاکستان اور کشمیر کے جھنڈے اٹھا رکھے تھے۔کشمیر بنے گا پاکستان کے نعرے لگائے گئے۔ نہتے کشمیریوں پر ڈھائے جانے والے مظالم کی مذمت کی گئی۔الحمراءمیں یہ دن مقبوضہ کشمیر میں بھارتی غیر قانونی اقدام کو تین سال مکمل ہونے پر منایا گیا۔واک میں ڈپٹی ڈائریکٹر ایڈمن آفتاب احمد انصاری سمیت تمام افسران و ملازمین نے شرکت کی۔

رانا صاحب اپنی اوقات کے مطابق بات کیا کریں:فواد چوہدری