سری لنکا کو پانچویں میچ میں بھی شکست، بھارت کا کلین سوئپ

05 ستمبر 2017

کولمبو (این این آئی)بھارت نے آخری ایک روزہ میچ میں 6 وکٹوں سے فتح حاصل کرکے سری لنکا کو پانچ میچوں کی سیریز میں 0-5 سے بدترین مات دے دی۔کولمبو کے پریماداسا اسٹیڈیم میں کھیلے گئے سیریز کے آخری میچ میں بھارت نے 239 رنز کا ہدف 47ویں اوور میں 4 وکٹ پر حاصل کرلیا۔بھارتی کپتان ویرات کوہلی نے سیریز میں مسلسل دوسری سنچری اسکور کی اور 9 چوکوں کی مدد سے 110 رنز کی ناٹ آو¿ٹ اننگز کھیل کر ناقابل شکست رہے۔کیدار یادو¿ نے 7 چوکوں کی مدد سے 63 رنز کی شاندار اننگز کھیلی۔سری لنکا کی جانب سے لاستھ ملنگا، وِشوا فرنینڈو، مَلنڈا پ±شپاکمارا اور وَنِندو ہسارانگا نے ایک، ایک وکٹ حاصل کی۔قبل ازیں سری لنکا نے ٹاس جیت کر پہلے بیٹنگ کا فیصلہ کیا تو 63 کے مجموعی اسکور پر ہی اس کے تین کھلاڑی پویلین لوٹ چکے تھے تاہم پھر لاہیرو تھریمانے اور اینجلو میتھیوز نے 122 رنز کی عمدہ شراکت قائم کرکے ٹیم کی پوزیشن کو بہتر بناتے ہوئے اسکور کو 185 تک پہنچایا تاہم پھر تھریمانے 63 رنز کی شاندار اننگز کھیل کر آو¿ٹ ہوگئے۔سری لنکا کی پانچویں وکٹ محض 9 رنز کے وقفے سے گری اور اینجلو میتھیوز بھی 55 رنز بنا کر کلدیپ یادو¿ کی گیند پر کیچ آو¿ٹ ہوئے۔اس کے بعد سری لنکا کا کوئی بیٹسمین زیادہ دیر تک کریز پر ٹک نہ پایا اور یوں میزبان ٹیم آخری اوور میں 238 رنز بنا کر آو¿ٹ ہوگئی۔سری لنکا کی آخری 7 وکٹیں صرف 53 رنز کے اضافے سے گری۔بھارت کے بھونیشور کمار نے اپنے کیریئر کی بہترین باو¿لنگ کرتے ہوئے 42 رنز دے کر 5 کھلاڑیوں کو آو¿ٹ کیا، جسپریت ب±مراہ نے 2 جبکہ کلدیپ یادو¿ یووِندرا چاہَل نے ایک، ایک وکٹ حاصل کی۔میچ کے بعد سری لنکا کے کپتان اپ±ل تھرانگا کا کہنا تھا کہ یہ ہمارے لیے بہت مشکل وقت ہے اور ہم عالمی معیار کے مطابق کرکٹ نہیں کھیل رہے۔بھارت کی یہ پانچ میچز کی دوسری غیر ملکی سیریز تھی جو اس نے وائٹ واش کی، قبل ازیں اس نے 2013 میں زمبابوے کو وائٹ واش کیا تھا۔یاد رہے کہ بھارت نے سری لنکا کے خلاف ٹیسٹ سریز بھی 0-3 سے کلین سوئپ کی تھی۔بھارتی ٹیم کے کپتان ویرات کوہلی نے سیریز میں مسلسل دوسری سنچری اسکور کرکے ایک روزہ میچز میں 30 سنچریاں مکمل کرکے سابق آسٹریلوی کپتان رکی پونٹنگ کا ریکارڈ برابر کیا ¾ان سے آگے بھارت کے عظیم بیٹسمین سچن ٹنڈولکر ہیں جنہوں نے ایک روزہ میچز میں 49 سنچریاں اسکور کی تھی۔سیریز کے آخری میچ میں مہندرا سنگھ دھونی نے بھی اپنے کیریئر کا اہم سنگ میل اس وقت عبور کیا ¾جب انہوں نے اکیلا دننجَیا کو چاہَل کی گیند پر اسٹمپ آو¿ٹ کرکے اپنے 100 اسٹمپ مکمل کیے۔دھونی یہ اعزاز حاصل کرنے والے پہلے وکٹ کیپر ہیں جنہوں نے 99 اسٹمپ آو¿ٹ کرنے والے سابق سری لنکن وکٹ کیپر کمار سنگاکارا کو پیچھے چھوڑا۔