امریکی مسلمانوں نے ٹیکساس میں ہاروی کے متاثرین کی امدادکیلئے مشترکہ فنڈ قائم کردیا

05 ستمبر 2017

واشنگٹن (آئی این پی)امریکی مسلمانوں نے ریاست ٹیکساس میں طوفان ہاروی کے متاثرین کی امداد کے لئے ایک مشترکہ فنڈ قائم کردیا جس میں بڑے پیمانے پر مسلمان امریکی چندہ جمع کر رہے ہیں۔ریاست کی مساجد میں سیلاب متاثرین کو پناہ فراہم کی گئی ہے اور اسے امدادی سرگرمیوں کا مرکز بنا دیا گیا ہے۔صرف ہوسٹن شہر میں پانچ سو سے زیادہ مسلمان رضاکار طوفان ہاروی کے متاثرین کی بحالی کے کاموں میں مصروف ہیں۔ہوسٹن کے سابق کونسل ممبر اور اسلامک سوسائٹی آف گریٹر ہوسٹن کے صدر ایم جے خان نے وائس اف امریکہ کے پروگرام خط آپ کے میں میزبان مدثرہ منظر کو متاثرین کی مدد کے لیے کی جانے والی سرگرمیوں سے آگاہ کیا۔