سعودی عرب میں گارڈ کی نوکری اورپاکستان میں وزارت،احسن اقبال اسے سیاست کہتے ہیں: فواد چوہدری
پاکستان تحریک انصاف کے ترجمان فواد چوہدری کا کہنا ہے کہ سعودی عرب میں گارڈ کی نوکری اورپاکستان میں وزارت،احسن اقبال اسے سیاست کہتے ہیں، غیرملکی اقامہ جیب میں رکھ کر احسن اقبال کو دانشوری جھاڑنے کی ضرورت نہیں۔ وزیر داخلہ احسن اقبال کے بیان پر ردعمل ظاہر کرتے ہوئے ایک بیان میں ترجمان پی ٹی آئی فواد چوہدری کا کہنا تھا کہ عمران خان اس سیاست پرلعنت بھیجتے ہیں جواقامے جنتی ہے۔ان کا کہنا تھا کہ تجربے کے نام پرشریفوں نے درباری اور دربان قوم پرمسلط کئے، قوم ان کے تجربے اور سیاست دونوں سے پناہ چاہتے ہیں۔فواد چوہدری نے مزید کہا کہ عمران خان قوم کا انتخاب اورمستقبل کے وزیراعظم ہیں، اللہ پاک کے فضل سے اب اس ملک میں سیاست کا رخ اور مزاج عمران خان طے کریں گے۔