پیارے منصفو! اب بس کر دو، خدارا پاکستان کو چلنے دو: سعد ر فیق
لاہور (آن لائن) وفاقی وزیر ریلوے خواجہ سعد رفیق کا کہنا ہے کہ پیارے منصفو اور محتسبو! اب بس کر دو، خدارا پاکستان کو چلنے دو، 70سال جمہوریت پسندوں کو غدار اور چور قرار دیا گیا۔ سعد رفیق نے اپنے ٹویٹر پیغام میں کہا کہ جمہوریت پسندوں کو ملکی سالمیت کے لئے خطرہ قرار دیا گیا لیکن ہر بار عوام نے انہیں ووٹ دیا اس بار بھی ایسا ہی ہوگا۔ مسلم لیگ (ن) کی کردار کشی کی مہم خشوع و خضوع سے جاری ہے۔ سیاسی جماعتوں اور اداروں میں موجود منفی عناصر نظام تباہ کرنا چاہتے ہیں، اداروں کے غیر قانونی استعمال سے بے چینی اور انتشار پھیل رہا ہے۔