ٹی 20 ٹیم میں تجربات جاری رکھوں گا، سرفراز کو ڈومیسٹک سطح پر کپتان بنا کر گروم کرنا چاہیے: آفریدی
کراچی میں تقریب سے خطاب کرتے ہوئے بوم بوم آفریدی کا کہنا تھا کہ قومی سلیکشن کمیٹی بہت اچھا کام کر رہی ہے، وہ نئے لڑکوں کو سامنے لانے پر سلیکشن کمیٹی کو کریڈٹ دیں گے۔ ان کا کہنا تھا کہ وقاریونس اور وہ ٹیم کیلئے اچھاپلان بنارہے ہیں، ٹیم میں ہرکھلاڑی بہترسےبہترکرنےکی کوشش کررہاہے۔
امید ہے کہ آئندہ بھی پاکستان ٹیم اچھا پرفارم کرے گی۔ شاہد آّفریدی کا کہنا تھا کہ ہارون رشید نے سائیڈ میچوں میں سرفراز کو کپتانی دینے کی بات کی، میڈیا نے ان کے بیان کو غلط انداز میں پیش کیا، دورہ سری لنکا کے بعد بہت سے لوگوں کی چھوٹی سوچ کا علم ہوا، سرفراز کونیشنل میچز میں کیپٹن بنانا اچھا فیصلہ ہوگا، اسے ڈومیسٹک سطح پر کپتان بنا کر گروم کرنا چاہیے۔ سرفراز میں یہ خوبی ہے کہ وہ کسی بھی نمبر پر کھیل سکتا ہے۔
شاہد آفریدی کا کہنا تھا کہ پابندی ختم ہونے کے بعد محمد عامر کومنتخب کرنا سلیکشن کمیٹی کا کام ہے، محمد عرفان کو احتیاط سے استعمال کرنا چاہیے اس کی فاسٹ باؤلنگ میں ایک دہشت ہے۔ قومی ٹی ٹوئنٹی کپتان نے کہا کہ خود پر یقین سب سے اچھی چیز ہے،اس سےاچھے نتائج نکلتے ہیں، وہ ٹی ٹوئنٹی میں تجربات جاری رکھیں گے۔