این ٹی ایس کا ضرورت مند طلباء کو 150 ملین روپے کے وظیفے دینے کا فیصلہ
اسلام آباد (پ ر) نیشنل ٹیسٹنگ سروس پاکستان نے ضرورت مند طلباء کو 150 ملین روپے کے وظیفے دینے کا فیصلہ کیا ہے۔ جس کے تحت 40 سرکاری اور نجی شعبے کی یونیورسٹیوں کے ضرورت مند طلباء کو فی سمیسٹر 25000 روپے دینے کی تجویز زیرغور ہے۔ این ٹی ایس اس سے قبل کارپوریٹ سماجی ذمہ داری پروگرام کے پہلے مرحلے میں 25 یونیورسٹیوں کے 373 گریجویٹ اور انڈر گریجویٹ طلباء کو پانچ ہزار روپے ماہانہ وظیفہ کے حساب سے مجموعی طور پر 50 ملین روپے دے چکی ہے۔