راولپنڈی (جنرل رپورٹر) رواں سال کے دوران ضلع راولپنڈی میں 221 ڈینگی کے کیس رپورٹ ہوئے جبکہ 176 ڈینگی مریض صحت یاب ہو کر اپنے گھروں میں جا چکے ہیں ضلع راولپنڈی کے سرکاری ہاسپٹلز میں 54 ڈینگی کے مریض موجود ہے جن کو مکمل علاج و معالجہ کی سہولت فراہم کی جارہی ہیں، ڈینگی سے متاثرہ یونین کونسل کو فوکس کرکے اور ایس او پیز کے مطابق آئی آر ایس سپرے اور فوکنگ کی جائے اور ان متاثرہ علاقوں میں لوگوں کو ڈینگی سے بچاؤ کے حوالے سے آگاہی مہم شروع کی جائے ،ان خیالات کا اظہار ڈپٹی کمشنر راولپنڈی حسن وقار چیمہ نے اپنے دفتر میں انسداد ڈینگی اجلاس کی صدارت کرتے ہوئے کیا ،ڈپٹی کمشنر راولپنڈی حسن وقار چیمہ نے کہاکہ ماہ اگست کے دوران ڈینگی ایس او پیز کی خلاف ورزی پر 57 افراد کے خلاف ایف آئی آر درج اور 61 ہزار روپے جرمانہ عائد کیا گیا رواں سال کے دوران 2 ہزار 113 ایف آئی آر، 457 کمرشل اور زیر تعمیر عمارات کو سیل، 692 کے  چالان جبکہ 33 لاکھ 53 ہزار روپے جرمانہ کیا گیا۔