گجرات‘ سیالکوٹ (نامہ نگاران) پاکستان مسلم لیگ (ن) کے مرکزی رہنما کیپٹن (ر) صفدر نے ضلعی صدر و سابق مشیر وزیراعلیٰ پنجاب نوابزادہ طاہر الملک کی رہائشگاہ پر پریس کانفرنس کرتے ہوئے کہا کہ میاں نواز شریف کو بخوبی علم ہے کہ کونسا کارڈ کس وقت کھیلنا ہے میاں نواز شریف نے اس مرتبہ ساری برائی کی جڑ کو پکڑ لیا ہے اور سب پر صورتحال واضح کر دی ہے۔ اسلام آباد کی اے پی سی میں بننے والا قومی اتحاد اس مرتبہ فیصلہ کرچکا ہے کہ حکومت گرا کر ہی دم لیں گے کارکنان مکمل تیاری کیساتھ نکلیں اور 16اکتوبر کو ہر صورت گوجرانوالہ پہنچیں انہیں جو بھی سواری ملے چاہے سائیکل ہو، موٹر سائیکل، رکشہ ہی کیوں نہ ہو گوجرانوالہ پہنچیں تاکہ دو ٹوک فیصلہ ہو سکے۔ اب ہر شہری کی آواز بن چکا ہے، انہوں نے کہا کہ الیکشن چوری کر کے ملک ڈمی لوگوں کے حوالے کر دیا گیا موجودہ حکومت کی غلط پالیسوں کیوجہ ملک بحرانوں کی لپیٹ میں ہے تاریخ گواہ ہے نواز شریف کبھی نہیں پھنسے بلکہ مشرف، جہانگیر کرامت، اسحاق جیسے لوگ پھنستے ہیں۔ علاوہ ازیں کیپٹن  (ر) محمد صفدر اعوان نے دورہ سیالکوٹ کے دوران موضع وریو میں مسلم لیگی کارکنوں سے خطاب کرتے ہوئے کہا مسلم لیگ ن عوام کے حقوق کیلئے جدجہد کر رہی ہے۔ نواز شریف کے حکم پر مریم نواز پنجاب بھر میں عوامی اجتماعات سے خطاب کریں گی، اس سلسلہ میں پہلا جلسہ گوجرانوالہ جناح سٹیڈیم میں ہوگا۔ کیپٹن (ر) محمد صفدر اعوان نے مزید کہا کہ مسلم لیگ ن جلسہ کو کامیاب بنانے کیلئے کارکن 16 اکتوبر کو گوجرانوالہ میں بھر پور شرکت کریں۔ اجلاس سے ایم این اے چوہدری ارمغان سبحانی،ایم پی اے خواجہ محمد منشاء اللہ بٹ، ضلعی صدر مسلم لیگ ن سیالکوٹ چوہدری طارق سبحانی، ایم این اے جاوید لطیف، عابد رضا، فاروق گھمن، ضلعی مسلم لیگ ن جنرل سیکرٹری شجاعت علی پاشا، ایم این اے رانا شمیم احمد خان، ایم پی اے چوہدری خوش اختر سبحانی، چوہدری رضا سبحانی، چوہدری اسحاق، ایم پی اے میاں ذیشان و دیگر رہنماؤں و کارکنوں نے کثیر تعداد میں شرکت کی۔ گوجرانوالہ ڈویژن کے صدر چودھری عابد رضا‘ ضلعی صدر نوابزادہ طاہر الملک نے بھی خطاب کیا۔

یوکرین جنگ، روس کا 4 لاکھ فوجی بھرتی کرنے کا فیصلہ