پنجاب کونسل آف کمپلینٹس کا اجلاس ،پیمرا کے ضابطہ اخلاق کی خلاف ورزی پرمتعدد کیسز کے فیصلے  

لاہور(نیوز رپورٹر) پنجاب کونسل آف کمپلینٹس کا اجلاس ڈاکٹر لبنیٰ ظہیر کی زیر صدارت منعقد ہوا۔ اجلاس کے ایجنڈے میں مختلف ٹیلی وژن چینلز کیخلاف پیمرا کے ضابطہ اخلاق کی خلاف ورزی، ہدایات پر عمل نہ کرنے اور واجبات کی عدم ادائیگی سے متعلق کیسز شامل تھے۔ کونسل نے فریقین کے مؤقف سنے اور متعدد کیسز کے فیصلے کیے۔ کونسل کے اراکین زاہد مسعود اور راشدہ سہیل نے بھی اجلاس میں شرکت کی جبکہ قاسم احمد نے بطور سیکرٹری کونسل فرائض انجام دئیے۔ پیمرا کے دیگر افسران بھی اجلاس میں موجود تھے۔