پاکستان ٹیلی کمیونیکیشن اتھارٹی (پی ٹی اے) کا کہنا ہے کہ سب میرین کیبل میں خرابی کے باعث عارضی بینڈ وڈتھ سسٹم میں شامل کرلی گئی ہے۔
پی ٹی اے کی جانب سے جاری اعلامیے کے مطابق 2 جنوری کو اے اے ای 1 سب میرین کیبل سسٹم میں خرابی پیدا ہوئی۔ خرابی کے پیش نظر عارضی بینڈ وڈتھ کا بندوبست کرکے سسٹم میں شامل کر لیا گیا۔اعلامیے کے مطابق اس وقت ملک بھر میں انٹرنیٹ سروسز کے حوالے سے ڈی گریڈیشن نہیں ہے۔ پی ٹی اے کی جانب سے اے اے ای 1 سب میرین کیبل کی بحالی کے عمل کی مسلسل نگرانی کی جارہی ہے۔ اس دوران پی ٹی اے تمام سروسز کو یقینی بنانے کے لیے پرعزم ہے.ترجمان نے مزید بتایا کہ پی ٹی اےتمام سروسز کوفعال بنانے کے لئے پُرعزم ہے۔
دو روز قبل پاکستان ٹیلی کمیونیکیشن اتھارٹی (پی ٹی اے) نےسوشل میڈیا پر جاری کردہ پیغام میں قطر کے قریب میرین کیبل میں خرابی کی اطلاع دی تھی۔پی ٹی اے کا کہنا تھا کہ قطر کے قریب اے اے ای ون کیبل پاکستان کو عالمی انٹرنیٹ ٹریفک سے جوڑتی ہے جو 7 زیر سمندر کیبلز میں سے ایک ہے. اس میں خرابی کی وجہ سے پاکستان میں انٹرنیٹ، براڈ بینڈ صارفین کو مسائل کا سامنا کرنا پڑسکتا ہے۔