کاربن مارکیٹس میں ٹریڈنگ کیلئے پالیسی گائیڈ لائنز کی منظوری دیدی گئی

اسلام آباد(رانا فرحان اسلم)کاربن مارکیٹس میں ٹریڈنگ کیلئے پاکستان پالیسی گائیڈ لائنز کی منظوری دیدی گئی نیشنل کلین ائیر کوالٹی پر عملدرآمد سے فضا ئی آلودگی کواسی فیصد تک کنٹرول کیا جاسکتا ہے آئندہ پانچ سالوں میں موسمیاتی تبدیلیوں کے اثرات سے نمٹنے کیلئے پاکستان کو348ارب ڈالرز درکار ہیںحالیہ چار ارب ڈالرز سالانہ نقصان ہورہاہے زیر زمین پانی کی کمی پرقابو نہ پایا گیا تونصف صدی بعد زمین کا درجہ حرارت دوسے چار ڈگری سینٹی گریڈ تک بڑھنے کا خدشہ ہے تفصیلات کے مطابق حکومت پاکستان نے کاربن مارکیٹ میں ٹریڈنگ کیلئے پالیسی گائیڈ لائنز کی منظوری دیدی ہے پلاننگ کمیشن آف پاکستان کے مطابق موسمیاتی تبدیلیوں کے باعث زیر زمین پانی کے ذخائر میں تیزی سے کمی رونما ہو رہی ہے اثرات کو کنٹرول نہ کیا تو سال 2080تک زمین کا درجہ حرارت میں دو سے چارڈگری مزید اضافے کا خدشہ ہے پلاننگ کمیشن کے مطابق نیشنل کلین ائیر پالیسی کے تحت ٹرانسپورٹ، زراعت اور صنعتی دھوئیں کو 81فیصد کنٹرول کیا جا سکتا ہے پانی ذخیرہ کرنے کی کم صلاحیت، ناقص ایریگیشن سسٹم جیسے مسائل کو حل کرنے کیلئے اقدامات ناگزیر ہیں جبکہ موسمیاتی تبدیلی کے باعث متعدد فصلوں کی پیداواری گروتھ تاحال بہتر نہیں ہے دستاویزات کے مطابق2030تک پاکستان کو موسمیاتی تبدیلیوں سے نمٹنے کیلئے 348ارب ڈالر کی ضرورت ہے جبکہ موسمیاتی تبدیلی فنانسنگ کیلئے پانڈا بانڈز اور گرین بانڈز کا اجراء نیشنل کلائمیٹ فنانس اسٹریٹیجی میں شامل ہے دستاویز کے مطابق موسمیاتی تبدیلیوں سے نمٹنے کیلئے پبلک پرائیویٹ پارٹنرشپ کے تحت منصوبے شروع کیے جائیں گے جبکہ ملکی معیشت کو موسمیاتی تبدیلیوں کے باعث سالانہ 4ارب ڈالر نقصان کاانکشاف ہورہا ہے ۔