مری(نامہ نگار خصوصی)5 جنوری 1928 کا دن ارض پاک کے غریبوں ،محنت کشوں ،مزدوروں ،مسکینوں ،ہاریوں اور محکوموں کی دعائوں کے بدلے میں اللہ تعالیٰ نے شہید ذوالفقار علی بھٹو کی صورت میں وطن عزیز کو ایک تحفہ دیا اور ملک پاک میں جمہوریت کی نوید لیکر سورج طلوع ہوا۔ان خیالات کا اظہار پاکستان پیپلز پارٹی تحصیل مری کے انفارمیشن سیکرٹری سیدعلی رضا ء شاہ نے اپنے بیان میں کرتے ہوئے کہا ہے کہ 5 جنوری کو بانی قائد چیئرمین ذوالفقار علی بھٹو شہید کی سالگرہ مری میںجوش وخروش سے منائی جائے گی۔انہوں نے کہا کہ آج کے اس اہم ترین دن کے موقع پرشہید بابا کے تمام جیالے تجدیدعہدکریں کہ ہم شہید بابا ذوالفقار علی بھٹو کی شمع جمہوریت کو اپنے خون سے روشن رکھیں گے اور انشاء اللہ اپنے قائد سے والہانہ محبت کا اظہار ان کی سالگرہ کے موقع پر ایک خوبصورت کیک کاٹ کرکیاجائیگا اور اپنے ہر دلعزیز قائد کو زبردست الفاظ میں خراج تحسین پیش کیا جائیگا۔