ٹیکسلا(نمائندہ نوائے وقت)مسلم لیگ ن تحصیل ٹیکسلاواہ کے رہنماء محمدسفیرخان آف سالارگاہ کی اطلاع کے مطابق سابق وفاقی وزیرداخلہ چوہدری نثارعلی خان 6جنوری بروزہفتہ دن دوبجے عثمان کھٹڑگوہدو روڈپرسوئی گیس کے پریشرکواپ گریڈکرنے کے منصوبہ کا افتتاح کرنے کے بعدحاجی دلدارخان مرحوم کے عوامی ڈیرہ پرایک بھرپورعوامی اجتماع سے خطاب کرینگے، محمد سفیر خان اورانکے چچازاد بھائیوں چیئرمین نوازش علی خان، چیئرمین عرفان خان ایڈوکیٹ، ابراردلدارخان،صداقت علی خان، شفاقت خان اور عاطف خان سمیت اپنے گروپ دھڑے کے لوگوں ودیگردوست احباب کے ہمراہ جلسہ کوکامیاب ترین بنانے کیلئے عوامی رابطوں کا آغاز کردیا ہے ، اطلاعات کے مطابق چوہدری نثارعلی خان یونین کونسل گڑھی سکندر اوریونین کونسل عثمان کھٹڑکے علاقوں میں عوامی فلاح وبہبودکی متعددسکیموںکی منظوری کے بارے میںموقع پراعلانات کرینگے۔