ٹوکیو اولمپکس کے دوران پاکستان کے ارشد ندیم نے جویلن تھرو کے بین الاقوامی مقابلے میں میڈل راؤنڈ کیلئے کوالیفائی کر لیا ہے۔
تفصیلات کے مطابق پاکستان کے ارشد ندیم نے 85 اعشاریہ 16 کی دوری تک تھرو کے ساتھ جویلن تھرو کے مقابلے میں میڈل راؤنڈ کیلئے کوالیفائی کیا جس پر ملک کی مشہورومعروف شخصیات نے انہیں مبارکباد پیش کی۔
BREAKING! With a throw of 85.16, Pakistan’s Arshad Nadeem has qualified for the final of Javelin #Throw competition in #Olympics. #Tokyo2020 #Pakistan ???????? pic.twitter.com/wl61s9WomY
— Gwadar Pro Official (@Gwadar_Pro) August 4, 2021
سماجی رابطے کی ویب سائٹ ٹوئٹر پر اپنے پیغام میں سینیٹر فیصل جاوید خان نے کہا کہ میں ارشد ندیم کو ٹوکیو اولمپکس کے میڈل راؤنڈ کیلئے کوالیفائی کرنے پر مبارکباد پیش کرتا ہوں جبکہ ارشد ندیم جنوبی ایشیا کے بہترین جویلن تھروورز میں شامل ہیں۔
سینیٹر فیصل جاوید خان نے مزید کہا کہ انفرادی طور پر ارشد ندیم کے پاس جویلن تھرو کا 86 اعشاریہ 38 کا ریکارڈ موجود ہے جو سیزن کی بہترین 10 تھروز میں سے ایک ہے۔ انہوں نے میڈل راؤنڈ میں پاکستان کی نمائندگی پر ارشد ندیم کیلئے نیک تمناؤں کا اظہار کیا۔
Congratulations Arshad Nadeem for qualifying for the medal round at #Olympics Arshad is considered to be one of the finest javelin throwers in South Asia. His personal best - a throw of 86.38 - is among of the top 10 throws of the season. Wish you all the best @Arshadnadeem76 pic.twitter.com/ksh6oqXC1l
— Faisal Javed Khan (@FaisalJavedKhan) August 4, 2021
قبل ازیں جاپان میں جاری ٹوکیو اولمپکس میں میزبان جاپان کے ایتھلیٹ چھائے رہے اورمزید 4 ٹائٹل جیت کر طلائی تمغوں کی تعداد 5 کرلی تھی تاہم ویٹ لفٹر طلحہ نے شاندار مقابلہ کرکے پاکستانیوں کے دل جیت لیے۔
گزشتہ ماہ کے اواخر تک چین نے مجموعی طور پر 6 گولڈ، ایک سلور اور 4 برانز لیکر میڈلز ٹیبل پر پہلی پوزیشن برقرار رکھی، امریکا نے 4 گولڈ، 2 سلور اور 4 برانز میڈلز لیکر تیسری پوزیشن پر قبضہ جمایا، جنوبی کوریا نے 2 طلائی اور 3 کانسی کے میڈلز کے ساتھ چوتھی پوزیشن اپنے نام کررکھی ہے۔ٹوکیو گیمز کا دوسرا دن مجموعی طور پر جاپانی ایتھلیٹ کے نام رہا۔