دنیا بھر میں کورونا وائرس سے ہلاک ہونے والوں کی تعداد ساٹھ ہزار ہو گئی ہے اور گیارہ لاکھ سے زائد افراد اس وائرس سے متاثر ہیں۔چین نے جو کورونا وائرس کے پھیلاؤ سے سب سے زیادہ متاثر ہوا آج اس وائرس سے ہلاک ہونے والے اپنے تین ہزار سے زائد شہریوں کیلئے قومی یوم سوگ منایا۔امریکہ میں اس خدشے کے باعث کہ یہ بیماری سانس لینے سے بھی پھیل سکتی ہے لوگوں کو ماسک پہننے کی تنبیہ کی گئی ہے۔یہ انتباہ امریکہ میں ایک روز میں تقریباً پندرہ سو افراد کے ہلاک ہونے اور اس سے متاثرہ لوگوں کی تعداد میں مسلسل اضافے کے بعد جاری کیا گیا۔امریکہ میں دس میں سے نو شہری سخت لاک ڈاؤن میں رہ رہے ہیں تاہم اس کے باوجود تقریباً دو لاکھ اٹھہتر ہزار امریکیوں میں اس مرض کی تصدیق ہو چکی ہے۔

پی ٹی آئی نے ثابت کر دیا وہ غیرملکی ایجنڈے پر کام کر رہی ہے: عبدالرحمن کانجو