پاک بحریہ کیلئے بنائے جانے والے جدید ترین 2300 ٹن آف شور پٹرول ویسل II-( کارویٹ ) کی لانچنگ کی تقریب رومانیہ کے ڈامن شپ یارڈ گلاٹی میں منعقد ہوئی۔ لانچنگ کی تقریب کے مہمان خصوصی پاک بحریہ کے چیف آف سٹاف( پر سنیل) وائس ایڈمرل اطہر مختار تھے۔

لانچنگ کی تقریب سے خطاب کرتے ہوئے مہمان خصوصی نے میری ٹائم شعبے میں کارویٹ جہازوں کی اہمیت پر روشنی ڈالی۔ انہوں کہا کہ یہ جہاز پاک بحریہ کا حصہ بننے پر بحری سرحدوںکے دفاع کے سلسلے میں پاک بحریہ کی صلاحیتوں میں مزید اضافے کا باعث ہوں گے او ر اس سے بحر ہند میں سکیورٹی کو یقینی بنانے کیلئے پاک بحریہ کے خود مختا راقدام ریجنل میری ٹائم سکیورٹی پٹرول کو بھی تقویت حاصل ہوگی۔ مہمان خصوصی نے ڈامن شپ یارڈ کے پیشہ ورانہ معیارکو سراہتے ہوئے کارویٹ کی صورت میں پاک بحریہ کو بہترین ٹیکنالوجی کی منتقلی کے سلسلے میں شپ یارڈ کے تعاون کی تعریف کی۔کارویٹ درمیانے سائز اور وزن کے جہاز ہیں جو مختلف مقاصد کیلئے استعمال ہوتے ہیں۔ پاک بحریہ کیلئے دو کارویٹ جہازوں کی تیاری کا معاہدہ سال 2017 میں طے پایا تھا۔

قومی ٹی ٹونٹی؛ سیکنڈ الیون ٹورنامنٹ میں شریک ٹیموں کو اینٹی کرپشن پر لیکچر

لانچنگ کی تقریب میں رومانیہ کے چیف نیول اورسیئر، ڈامن شپ یارڈ ، گو رینچم اورگلاٹی کی اعلیٰ انتظامیہ ، پاک بحریہ اور وزارت ِ دفاعی پیداوار کے حکام نے شرکت کی۔