پاک بحریہ کا نیا سربراہ کس کو مقرر کیا گیا ہے،نام سامنے آ گیا۔ تفصیلات کے مطابق وائس ایڈ مرل نوید اشرف کو پاک بحریہ کا نیا سربراہ مقرر کر دیا گیا،ترجمان پاک بحریہ کے مطابق وائس ایڈ مرل نوید اشرف کو ایڈ مرل کے عہدے پر ترقی دی جائے گی،تبدیلی کمانڈ کی تقریب 7 اکتوبر کو اسلام آباد میں ہو گی۔ 

وائس ایڈ مرل نوید اشرف نے 1989 میں آپریشنز برانچ میں کمیشن حاصل کیا،نوید اشرف نیشنل ڈیفنس یونیورسٹی اسلام آباد سے فارغ التحصل ہیں۔ ترجمان کے مطابق وائس ایڈ مرل نوید اشرف نے امریکی نیول وار کالج اور برطانیہ رائل کالج آف ڈیفنس اسٹڈیز سے بھی تعلیم حاصل کی،وہ اہم کمانڈ اور اسٹاف عہدوں پر کام کا وسیع تجربہ رکھتے ہیں۔ نوید اشرف کمانڈر پاکستان فلیٹ اور کمانڈنٹ پاک نیول اکیڈمی کے فرائض بھی سر انجام دے چکے ہیں،وہ ڈپٹی چیف آف نیول اسٹاف آپریشنز کے عہدے پر بھی فائز رہ چکے ہیں۔ترجمان پاک بحریہ نے کہا کہ نوید اشرف بطورِ ڈپٹی پریزیڈنٹ نیشنل ڈیفنس یونیورسٹی کے عہدے پر بھی رہے،نوید اشرف اس وقت نیول ہیڈ کواٹرز میں چیف آف اسٹاف کے فرائض سر انجام دے رہے ہیں،انہیں ہلال امتیاز ملڑی اور تمغہ بسالت سے بھی نوازا جا چکا ہے۔ یاد رہے کہ پاک بحریہ کے سربراہ ایڈ مرل امجد خان نیازی 7 اکتوبر کو اپنے عہدے سے سبکدوش ہو جائیں گے۔