کشمیر: افغانستان کت مسائل کا حل مذاکرات، امریکہ بھارت، بات چیت کے لئے کردار ادا کر سکتا ہے: اعزاز چوہدری
واشنگٹن(آئی این پی ) امریکہ میں پاکستان کے سفیر اعزاز چوہدری نے کہا ہے کہ پاکستان سے دہشتگردی کا خاتمہ کردیا گیا ہے، مسئلہ کشمیر سمیت تمام مسائل کا حل صرف مذاکرات سے ہیں۔ تفصیلات کے مطابق امریکہ میں پاکستان کے سفیر اعزاز چوہدری نے جارج واشنگٹن یونیورسٹی کا دورہ کیا۔ اس موقع پر اعزاز چوہدری نے پاکستان امریکہ تعلقات پرروشنی ڈالتے ہوئے کہا کہ پاکستان امریکہ مفادات مشترکہ ہیں مسئلہ افغانستان کافوجی حل نہیں۔ واحدحل پرامن مذاکرات ہیں۔ مسئلہ افغانستان کا سیاسی حل صرف افغان قوم کے پاس ہے۔ افغانستان میں استحکام کیلئے مل کرکام کرناضروری ہے اور تاریخ گواہ ہے کہ پاکستان اورامریکہ نے مل کر کام کیا تو کیا فائدہ ہوا۔ پاکستان بھارت مذاکرات کیلئے امریکہ اہم کردارا داکرسکتاہے ۔ اعزاز چوہدری نے کہا مسئلہ کشمیرسمیت دیگرمسائل کاواحد حل مذاکرات ہیں۔ پاکستان میں دہشتگردی کو ختم کردیا گیا ہے۔ قبائلی علاقوں میں امن لوٹ رہا ہے۔ پاکستان اب بھی خطے میں دہشتگردی سے نمٹنے کیلئے تیار ہے۔ انہوں نے کانگریس مین جو ولسن اور سینیٹر جانی آئساکسن سے ملاقاتیں کیں۔ ملاقاتوں کے دوران دو طرفہ تعلقات اور خطے کو درپیش مسائل پر تبادلہ خیال کیا گیا۔ اعزاز چوہدری نے پاکستان امریکہ تعلقات اور خطے کے مسائل پر پاکستانی نقطہ نظر سے آگاہ کیا۔