190 ملین پاؤنڈ ریفرنس، بانی پی ٹی آئی، اہلیہ کی سزا معطلی کیلئے درخواستوں پر سماعت 8 مئی کو ہو گی

اسلام آباد (وقائع نگار) اسلام آباد ہائیکورٹ میں زیر سماعت 190 ملین پاؤنڈ ریفرنس میں بانی پی ٹی آئی اور بشری بی بی کی سزا معطلی درخواستیں 8 مئی سماعت کے لئے مقرر کردی گئیں۔ قائم مقام چیف جسٹس سرفراز ڈوگر اور جسٹس محمد آصف سماعت کریں گے۔ رجسٹرار آفس نے کاز لسٹ جاری کر دی۔ بانی پی ٹی آئی اور بشری بی بی نے سزا معطل کرکے ضمانت پر رہائی کی درخواست دائر کر رکھی ہے۔ دو روز قبل عدالت نے سزا معطلی کی درخواستیں آئندہ ہفتے مقرر کرنے کی ہدایت کی تھی۔