ویسٹ انڈیز کیخلاف دوسرے ٹیسٹ میچ میں بھی کپتان مصباح الحق بدقسمتی سے اپنی سنچری مکمل نہ کر سکے اور 99رنز پر آﺅٹ ہو گئے۔خیال رہے کہ دورہ ویسٹ انڈیز کے دوران یہ دوسرا موقع ہے جب و ہ99پر پہنچنے کے باوجود بھی سنچری مکمل نہیں کر سکے۔ اس سے پہلے ٹیسٹ میچ میں وہ 99پر کھیل رہے تھے کہ باقی تمام کھلاڑی آﺅٹ ہو گئے تھے۔ اس مرتبہ بھی جب مصباح 99پر آﺅٹ ہوئے تو ان کے مداح مایوس ہو گئے لیکن ان کی اہلیہ بالکل بھی پریشان اور افسردہ نہ ہوئیں بلکہ سوشل میڈیا پر شرارت اور پیار سے بھرپور ایسا پیغام جاری کیا کہ مایوس مداح بھی خوش ہو گئے۔مصباح الحق کی اہلیہ نے سماجی رابطہ ویب سائٹ پر ٹوئٹر پیغام میں مصباح الحق سے مخاطب ہوتے ہوئے کہا کہ جو بھی ہے ! آپ کو پانا خوش قسمتی ہے مسٹر 99. مصباح الحق کی اہلیہ کی جانب سے جاری ہونے والے اس پیغام کو صارفین بہت زیادہ پسند کر رہے ہیں اور ان اگلی اننگز کیلئے نیک خواہشات کیساتھ ساتھ سنچری مکمل ہونے کی دعا بھی کر رہے ہیں۔