پرانی انارکلی: ڈاکوؤں اور جوس کارنر مالک میں فائرنگ تبادلہ، ایک ڈاکو زخمی
لاہور(نامہ نگار) صوبائی دارالحکومت کے مختلف علاقوں میں ڈاکوئوں اور چوروں نے وارداتوں کے دوران متعدد شہریوں سے لاکھوں روپے مالیت کی نقدی، طلائی زیورات، موبائل فون، گاڑیاں ، موٹر سائیکلیں اور دیگر سامان لوٹ لیا ہے۔ تفصیلات کے مطابق ڈاکوؤں نے ڈیفنس اے کے علاقہ میںعمران کے گھر گھس کر اہلخانہ کو گن پوائنٹ پر یرغمال بنا کر9لاکھ ،شاہدرہ کے علاقہ بیگم کوٹ میں شاہد کے گھرگھس کر 5لاکھ ، شاد مان کے علاقہ میں حفیظ کے گھر سے4 لاکھ کی نقدی، طلائی زیورات، موبائل فون اور دیگر سامان ،جنوبی چھائونی کے علاقہ میںجواد بٹ کی فیملی سے 3لاکھ کی نقدی، طلائی زیورات اور موبائل فون، مال روڈ پر انارکلی چوک میں دو ڈاکوئوں نے گن پوائنٹ پر جوس کارنر پر لوٹ مار کی کوشش کی تو کائونٹر پر موجود عبدالرحمن نے اپنے کیش والے دراز سے پستول نکال لیا۔ جس پر ڈاکوؤں نے عبدالرحمن پر فائرنگ کر دی اور فرار ہونے لگے ۔عبدالرحمن فائرنگ کی زد میں آنے سے محفوط رہا جبکہ عبدالرحمن نے بھی ڈاکوؤں پر فائرنگ کر دی۔ جس سے ایک گولی ڈاکو کو لگی ،مگر ڈاکو زخمی حالت میں اپنے ساتھی کے ہمراہ موٹرسائیکل پر فرار ہو گیا ہے ۔ پرانی انارکلی پولیس نے مقدمہ درج کرکے ڈاکوؤں کی تلاش شروع کر دی ہے۔ اچھرہ کے علاقہ میں فائزہ بی بی کار میں بیٹھی تھی جبکہ اس کا خاوند عطا محی الدین سڑک کنارے کارکھڑی کر کے دکان سے سودا سلف لینے گیاتھا ۔اس دوران ایک ڈاکو وہاں آیا اس نے کار کا دروازہ کھول کر فائزہ بی بی سے پرس چھین لیااورساتھی کے ہمراہ موٹر سائیکل فرار ہو گیا ۔پرس میں 30ہزار روپے نقدی اور دد موبائل فون تھے ۔پولیس نے وہاں لگے کیمرے سے سی سی ٹی وی فوٹیج حاصل کر کے مقدمہ درج کرکے ملزمان کی تلاش شروع کر دی ہے۔ داتا دربار میں خالد اور اس کے تین دوستوں سے ایک لاکھ روپے اور 4موبائل فون،نولکھا میں ریاض سے سوا لاکھ روپے،نشترکالونی میں ارشد سے 50ہزار ،ستوکتلہ شادیوال میں ندیم کی موبائل شاپ سے 50ہزار اور موبائل فون ،مصطفی آباد میں کاشف سے 35ہزار ، شمالی چھائونی میں دانش سے 25ہزار اور موبائل فون،جنوبی چھائونی کیولری گرائونڈ میں مشر ف علی کی دکان سے17ہزار اور موبائل فون، لوٹ لیا ہے ۔چوروں نے غالب مارکیٹ گلبرگ کے رہائشی نعیم کے گھر سے8لاکھ ، بادامی باغ میں محمد علی کے گھر سے 6لاکھ کی نقدی، زیورات اور دیگر سامان چوری کر لیا ہے۔ چوروں نے مصطفی آ با د میں سے فر حا ن،سبز ہ زار میں سے صد اقت جا وید ،شاہدرہ میں سے بشیر کی کاریں جبکہ مز نگ میں سے مجا ہد،مستی گیٹ میں سے نو ر،نو لکھامیںسے شہبا ز،نو اب ٹا ئو ن میں سے ند یم،با دامی با غ میں سے نا صر، اقبال ٹائون میں ظفر،فیصل ٹائون میں سہیل،فیکٹری ایریا میں دائود،ستوکتلہ میں ابوبکر،چوہنگ میں رضوان،ہنجروال میں سے عبداللہ کی موٹر سائیکلیں چوری کر لی ہیں۔