کشمیر ہائی وے کا نام تبدیل کر کے سرینگر ہائی وے رکھ دیا، نئے سائن بورڈ نصب
اسلام آباد: وفاقی دارالحکومت اسلام آباد میں واقع سڑک کشمیر ہائی وے کا نام تبدیل کرکے سری نگر ہائی وے رکھ دیا گیا، تمام ڈائریکشن بورڈز پر بھی کشمیر ہائی وے کو سری نگر ہائے وے کر دیا گیا ہے۔
ڈھوکری چوک، فیض آباد، زیرو پوائنٹ، گولڑہ موڑ اور ایکسپریس وے پر نئے نام کے بورڈ آوایزاں کردیئے گئے ہیں۔
سری نگر ہائی وے کا باقاعدہ افتتاح 5 اگست کو ایک تقریب میں کیا جائے گا، اس ہائی وے کا افتتاح 2 مرحلوں میں ہوگا، پہلے مرحلے میں مراد سعید افتتاح کریں گے۔ سری نگر ہائی وے کے دوسرے مرحلے کا افتتاح وزیر داخلہ اعجاز شاہ کریں گے۔
وفاقی دارالحکومت میں واقع25 کلو میٹر طویل یہ شاہراہ مغرب میں اسلام آباد انٹرنیشنل ایئرپورٹ اور مشرق میں ای 75 ایکسپریس وے تک رسائی فراہم کرتی ہے اور اس پر پانچ انٹرچینج ہیں۔ مذکورہ ہائی وے کو1973 میں تعمیر کیا گیا تھا۔
این ایچ اے نے ڈھوکری چوک، فیض آبار، زیرو پوائنٹ، گولڑہ موڑ اور ایکسپریس وے پر نئے نام دے بورڈز نصب کئے گئے۔ سری نگر ہائے وے کا باقاعدہ افتتاح 5 اگست کو ایک تقریب کے ذریعے کیا جائے گا جو دو مرحلوں میں ہو گا۔ پہلے مرحلے میں مراد سعید افتتاح کریں گے۔ دوسرے مرحلے میں وزیر داخلہ اعجاز شاہ افتتاح کریں گے۔
