جنوبی افریقہ کی وائٹ بال کرکٹ ٹیم کے کوچ راب والٹر مستعفی

لاہور(سپورٹس رپورٹر)جنوبی افریقہ کی وائٹ بال کرکٹ ٹیم کے کوچ راب والٹر مستعفی ہوگئے۔جوہانسبرگ سے کرکٹ ساؤتھ افریقہ کے مطابق راب والٹر نے ذاتی وجوہات کی بنا پر عہدے سے استعفٰی دیا ہے۔ کرکٹ ساؤتھ افریقہ کے مطابق راب والٹر کا استعفیٰ منظور ہوگیا ہے اور وہ 30 اپریل کو عہدے سے سبکدوش ہوں گے۔ راب والٹر کو مارچ 2023 میں سائوتھ افریقہ کی کرکٹ ٹیم کا کوچ مقرر کیا گیا تھا۔ راب والٹر نے 36 ون ڈے اور 31 ٹی ٹونٹی میچز میں جنوبی افریقہ کی ٹیم کی کوچنگ کی۔