بینک آف پنجاب قرضہ فراڈ کیس میں طارق کھوسہ کی بطورانکوائری آفیسر تقرری نہ ہونے کی وجہ سے اس اہم مقدمے کی تفتیش جمود کا شکار ہوگئی ہے۔
روزنامہ نوائے وقت کی رپورٹ کے مطابق سپریم کورٹ نے سابق ڈی جی ایف آئی اے طارق کھوسہ کو پنجاب بینک فراڈ کیس میں انکوائری آفیسر مقررکیا تھا تاہم حکومت کی جانب سے ان کی تقرری کا ابھی تک باقاعدہ حکم نامہ جاری نہیں کیا گیا ۔ رپورٹ کے مطابق اس صورتحال میں طارق کھوسہ کی عدم تقرری کی وجہ سے نیب کیلئے گیارہ جون کو سپریم کورٹ میں پنجاب بینک فراڈ کیس کی تفتیش سے متعلق رپورٹ پیش کرنا مشکل ہوگیا ہے ۔ دوسری جانب پنجاب بینک فراڈ کیس کی تفتیش کرنے والی نیب کی ٹیم بھی ہاتھ پر ہاتھ دھرے بیٹھی ہے ، کیونکہ نیب کو طارق کھوسہ کی سربراہی میں کیس کی تفتیش کرنی ہے ۔ ذرائع کے مطابق طارق کھوسہ کی بطور انکوائری آفیسرتعیناتی کا حکم نامہ وزیراعظم کی وطن واپسی پرجاری ہوگا۔
