قومی مالیاتی ایوارڈ: پنجاب کو 26 ارب روپے کی 12 ویں قسط مل گئی

02 جولائی 2009
لاہور (کامرس رپورٹر) پنجاب کو وفاق کی جانب سے قومی مالیاتی ایوارڈ کے تحت قابل تقسیم محصولات کی مد میں جون کے لئے 26 ارب روپے کی 12 ویں قسط مل گئی ہے۔ ذرائع کے مطابق محصولاتی آمدنی میں پنجاب کا حصہ 28 ارب روپے بنتا ہے لیکن وفاقی حکومت نے پنجاب کے ذمے اپنے قرضوں کی ادائیگی کی مد میں تقریباً 2 ارب کی کٹوتی کر کے 26 ارب روپے فراہم کئے ہیں۔