وینا ملک کا سوات متاثرین کیلئے 5 لاکھ کا عطیہ

02 جولائی 2009
لاہور (کلچرل رپورٹر) فلمسٹار وینا ملک نے متاثرین سوات کیلئے 5 لاکھ روپے کا چیک گذشتہ روز وزیراعلیٰ پنجاب کے ساتھ ایک ملاقات میں انہیں پیش کیا۔ اس موقع پر رکن صوبائی اسمبلی فرح دیبا بھی موجود تھیں۔ ملاقات کے بعد وینا ملک نے کہا کہ وزیراعلیٰ کے ساتھ ملاقات بہت مفید رہی ہے۔ انہوں نے سوات متاثرین کی امداد کرنے پر میرا شکریہ ادا کیا اور کہا کہ وہ وینا ملک کے پروگرام ’’ہم سب امید سے ہیں‘‘ کو بڑی باقاعدگی سے دیکھتے تھے جبکہ انہوں نے وینا ملک کے اس پروگرام میں ان کے ٹیلنٹ اور کردار کو سراہا۔