بنگلہ دیش پریمیئر لیگ کے کم از کم 8 میچ فکسنگ کی زد میں آگئے  

لاہور(سپورٹس رپورٹر )بنگلہ دیش پریمیئر لیگ 2025 کے کم از کم 8میچز فکسنگ کی زد میں آگئے۔ اینٹی کرپشن حکام کونتائج میں گڑبڑ محسوس ہوئی ہے، اس کا شبہ ذرائع اور میڈیا رپورٹس میں بھی کیا گیا، مقامی میڈیا نے چند ایسی دستاویز دیکھیں، جس میں اے سی یو 10 مختلف پلیئرز اور 4 فرنچائزز پر نظر رکھے ہوئے ہیں۔ ان 10 مشتبہ پلیئرز میں سے 6بنگلہ دیشی نیشنل ٹیم کی نمائندگی بھی کرچکے ہیں، 2 نئے پلیئرز جبکہ 2 غیرملکی پلیئرز بھی حکام کے ریڈار پر ہیں، میڈیا نے مشتبہ میچز کی فہرست بھی شائع کی ہے۔ حکام کے مطابق ان میچز میں بائولرز نے 3 لگاتار وائیڈز اور بڑی نوبالز بھی کی ہیں، مشتبہ پلیئنگ الیون، درمیانی اوور میں سست بیٹنگ کو بھی نوٹ کیا گیا۔بنگلہ دیش کرکٹ بورڈ نے میچ فکسنگ کی انکوائری کیلئے کمیٹی تشکیل دیدی ۔بورڈ حکام کے مطابق کھیل کوکرپشن سے پاک کیا جائیگا۔ شفافیت کیلئے سخت اقدامات کئے جائیں گے ۔