ملتان(سماجی رپورٹر ) سا بقہ دور حکومت کے ملاز م کش اقدامات کو ختم کر کے پاکستان پوسٹ کی سروسز میں اصلاحات کا آغاز کر دیا گیا ہے ڈاک کی ڈیلیوری کے نظام میں مزید بہتری اور جدت لانے کے لیے ملک بھر کے پوسٹ مینوں میں موٹر سائیکلز تقسیم کر رہے ہیں عوام کو پوسٹ آفس کی سہولیات ان کی دہلیز پر پہنچانے کے لیے سابقہ دور حکومت میں بند کیے گئے 600سے زائد ڈاکخانوں کو دوبارہ کھولنے کا آغاز کر دیا گیا ہے محکمہ ڈاک کے نظام میں جدت لانے کے لیے ملک بھر کے 150سے زائد پوسٹ آفس کو کمپیوٹرائزڈ کر دیا گیاہے جبکہ دسمبر 2022 تک ملک کے تمام ڈاکخانوں کو ڈیجیٹلائزڈ کر دیا جائے گا عوامی سہولیات کی فراہمی کے پیش نظر جنوبی پنجاب بھر کے 600 سے زائد ڈیجیٹل فرنچائز پوسٹ آفسز کا آغاز کیا جا چکا ہے جن سے عوام اپنی دہلیز پر پوسٹ آفسز کی سہولیات سے استفادہ کر رہے ہیں عوامی مفاد کے منصوبوں پر عمل درآمد سے ملکی سیاسی و سماجی فضاءکو بہتر کیا جا سکتا ہے ان خیالات کا اظہار وفاقی وزیر مواصلات مولانا اسعد محمود نے ملتان جنرل پوسٹ آفس میں منعقدہ پوسٹ مین سٹاف کو مالکانہ حقوق پر موٹر سائیکل تقسیم کرنے کی تقریب سے صدارتی خطاب سے کیا اس موقع پر ڈائریکٹر جنرل پاکستان پوسٹ رانا حسن اختر اور پوسٹ ماسٹر جنرل جنوبی پنجاب سرکل ذوالفقار حسنین نے پوسٹل سرکل جنوبی پنجاب کی کارکردگی بارے بریفنگ دی ڈائریکٹر جنرل پاکستان پوسٹ رانا حسن اخترنے اس موقع پر اپنے خطاب میں کہا کہ عوام کو پرائیویٹ کورئیر کمپنیوں کے مہنگے نرخوں کے مقابلے میں پاکستان پوسٹ کے انتہائی مناسب نرخوں پر محکمہ ڈاک کی جدید سروسز میسر ہوں گی ریٹائرڈ سرکاری ملازمین کی ماہانہ پنشن کی ادائیگی اور سیونگ بینک کی سروسز کی ڈیجیٹلائزڈ سسٹم سے آراستہ کرنے کے بعد دوبارہ آغاز کیا جارہا ہے اس موقع پر پوسٹل سرکل جنوبی پنجاب سے تعلق رکھنے والے پچاس سے زائد پوسٹل ملازمین میں ہنڈا موٹر سائیکل ا ور جدید سسٹم سے آراستہ موبائل فون تقسیم کیے گئے وفاقی وزیر مواصلات مولانا اسعد محمود نے ڈائریکٹر جنرل پاکستان پوسٹ حسن اختر راناو دیگر آفیسران کے ہمراہ ملتان جی پی او میں منعقدہ یادگاری ٹکٹوں کی نمائش کا دورہ کیا۔

جیل سے رہائی کے بعد فواد چوہدری کی عمران خان سے پہلی ملاقات

 وفاقی وزیر مواصلات