صوبائی وزیر اطلاعات و نشریات عظمیٰ بخاری کا کہنا ہے کہ اس وقت ڈیجیٹل دہشتگردی ہو رہی ہے،ریاست بھی محفوظ نہیں،پاکستان میں ہر کوئی کسی بھی طرح کی پوسٹ کر رہا ہے کوئی روکنے والا نہیں،دنیا بھر میں سوشل میڈیا اکاونٹس کے رولز ہیںلاہور ہائیکورٹ کے باہر میڈیا سے گفتگو کرتے ہوئے عظمیٰ بخاری نے مزید کہا کہ تمام سوشل میڈیا اکاوٹس کس رول کے تحت چل رہے ہیں۔ یہاں پر تو ریاست محفوظ نہیں ہے۔ یہاں سوشل میڈیا اکاونٹس کے ذریعے ڈیجیٹل دہشتگردی ہو رہی ہے۔ کیپیٹل ہل پر حملہ ہوا تو ملزم کو 7 سال کی سزا دی گئی۔ہمارے ملک میں کہا جاتا ہے جو مرضی ہو رہا ہے ہونے دیں۔انہوں نے کہا کہ آج اوورسیز انقلابی بنے ہوئے ہیں۔یہ کوئی طریقہ ہے کہ پاکستان کے اداروں کو کچھ بھی کہہ لیں گے آزادی اظہار رائے کے نام پر پگڑیاں اچھالی جا رہی ہیں۔اداروں کے سربراہان کی تصاویر لگا کرڈیجیٹل دہشتگردی ہو رہی ہے۔ رولز اور ریگولیشن کے بغیر کوئی سوشل میڈیا سائٹ نہیں چلنی چاہیے۔انہوں نے کہا کہ سوشل میڈیا اکاو¿نٹس کا آزادی اظہار رائے کی آڑ میں غلط استعمال کیا جاتا ہے۔ اب سوشل میڈیا اکاونٹس کا استعمال رولز ریگولیشنز کے تحت کیا جائے گا۔ ہم سوشل میڈیا کے خلاف نہیں ہیں۔ پوری دنیا میں سوشل میڈیا اکاونٹ ریگولیٹ ہوتے ہیں۔ پاکستان میں بھی سوشل میڈیا اکاونٹ رولز کے مطابق ریگولیٹ ہونے چاہئیں۔صوبائی وزیر اطلاعات ونشریات نے گفتگو کے دوران مزید کہا کہ ان کا کہنا تھا کہ کوئی ملک ایسے نہیں چلتا جیسے ہم پاکستان کو چلانے کی کوشش کر رہے ہیں۔ امید ہے چیف جسٹس لاہور ہائیکورٹ اپنی ذمہ داری کو پورا کریں گی۔ چیف جسٹس صاحبہ نے جو آج سوالات اٹھائے وہ پارلیمان اور دیگر اداروں کیلئے بھی ہیں۔ وزیراعلیٰ پنجاب 100 سے 200 یونٹ والوں کو مفت سولر پینل اور بیٹری سمیت پورا پینل دیں گی۔ 200 سے 500 یونٹس والے پروٹیکٹڈ صارفین کو 10 فیصد پر سولر پینل ملیں گے، 90 فیصد پیسے حکومت ادا کرے گی۔ بجلی بلوں پر ریلیف کے حوالے سے وفاقی حکومت پلان کر رہی ہے۔ اویس لغاری بتا رہے تھے وزیراعظم خود ذمہ داری سے کام کر رہے ہیں۔