پیرس ( صاحبزادہ عتیق سے ) سفارت خانہ پاکستان، پیرس نے اُن پاکستانیوں کی امداد کیلئے راشن تقسیم کرنے کی مہم کا آغاز کیا ہے جنہیں فرانس میں کورونا وائرس کی روک تھام کے باعث لاک ڈاؤن کیئے جانے پر مشکلات کا سامنا کرنا پڑ سکتا ہے۔

یہ بات جناب معین الحق سفیر پاکستان برائے فرانس نے آج پیرس میں اپنے جاری کردہ ایک بیان میں کہی۔

سفیر پاکستان نے کہا کہ سفارت خانہ پاکستانی کمیونٹی ایسوسی ایشنز اور مقامی مخیر تنظیموں کے ساتھ مل کر ضرورت مند لوگوں میں اشیاء خورد و نوش تقسیم کرے گا۔

پاکستانی کمیونٹی کے وہ اراکین جنہیں اشیائے خورد و نوش کی ضرورت ہو براہ مہربانی اِن نمبروں 014562232 اور  0637281541پر رابطہ کریں یا سفارت خانہ کی ویب سائٹ parepparis@mofa.gov.pk  یا consular@pakembparis.com سے رجوع کریں۔ 

جنوبی پنجاب کے سیکرٹریز اپنے دروازے عوام کیلئے کھلے رکھیں،عثمان بزدار

سفیر پاکستان نے پاکستانی کمپنیوں، تنظیموں اور سماجی کارکنوں کا شکریہ ادا کیا جو اس کار خیر میں سفارت خانہ کا بڑھ چڑھ کرساتھ دے رہی ہیں۔