کراچی: پی ٹی آئی کے ایم پی اے کی گاڑی سے اسلحہ اور دستاویزات چوری
کراچی(این این آئی)ڈیفنس میں تحریک انصاف کے رکن سندھ اسمبلی راجا اظہر کی گاڑی سے ان کالائسنس یافتہ پستول، اسلحہ لائسنس، چیک بکس اوراہم دستاویزات چوری کرلی گئیں۔ڈیفنس تھانے کے علاقے ڈیفنس فیز2 سن سیٹ لین نمبر4 پلاٹ نمبر ون سی پر واقع رہائشی عمارت میں مقیم تحریب انصاف کے رکن سندھ اسمبلی راجہ اظہرکی سفید رنگ کی ریووگاڑی رجسٹریشن نمبرکے وی 3486 سے ان کا لائسنس یافتہ9ایم ایم پستول، اسلحہ لائسنس، چیک بکس اور اہم دستاویزات چوری کرلی گئیں جس کی اطلاع ڈیفنس پولیس کوکردی گئی۔ اس ضمن میںرکن سندھ اسمبلی راجا اظہر نے بتایاکہ منگل اور بدھ کی درمیانی شب 2 بجے وہ اپنے فلیٹ پہنچے تھے اور گاڑی رہائشی عمارت کے باہرلاک کرکے گھر چلے گئے تھے۔صبح گاڑی صاف کرنے والا ان کا ملازم گاڑی صاف کرنے آیا تو اس نے گاڑی کا شیشہ ٹوٹا ہوا دیکھا اورانھیں اطلاع دی جس پرانھوں نے اپنی گاڑی کو چیک کیا تو گاڑی میں رکھا ہوا 9 ایم ایم پستول، اسلحہ لائسنس، مختلف بینکوںکی چیک بکس،گھرکی دستاویزات اور کاروبار سے متعلق اہم دستاویزات غائب تھیں۔
کراچی/ چوری
